ذهـب صـافـي

الثلاثاء، 16 نوفمبر، 2010

الأحد، 14 نوفمبر، 2010

Frozen yogurt everywhere

اليوم في البيرق شفت اعلان جديد
حق محل يوووو قود هالمحل يبيع فروزن يوقرت ومثل بينك بيري انتشرت هالمطاعم بشكل سريع

وقبل كم يوم مريت ريد مانجو في الكوت صوب النافوره و اخذت منهم هالنوعين
هذا لي اورجنال مع راز بيري وفراوله

- واختي اخذت اورجنال مع اوريو
وحيييل عجبها

بالنسبه لي انا ما ذقت بينك بيري انا ذقت الفروزن يوغرت في سفرتي لهونج كونج
وعجبني واللي ذقته بهالمحل حلووو بعد وتقريبا نفس الشي
و السعر تقريبا الاثنين ب٣وشي

السبت، 6 نوفمبر، 2010

قبل كم سنه كنت استانس على العيد و البحث عن ملابس العيد
وكانت الوالده الله يحفظها تدوخ السبع دوخات معاي على ما احصل ملابس العيد
وانا ذوقي صعب و الحين صار دوري ادوخ و ادور عن لبس العيد
عندي بنوتين الله يخليهم لي بس دوخوني لما شريت لهم
هل انتوا ذوقكم صعب في لبس العيد و الا بسرعه يشترون ؟؟؟؟
----------------------------

وانا في احد الاسواق الشعبيه ادور ملابس للبيت لعيالي لقيت
هالتيشرت لولدي الله يخليه لي
هو تقليد بربري و حتى التاغ بعد

اعتقد اخذت التيشرت بدينار ونص
الفاتوره عند زوجي
شرايكم ؟؟؟
Posted using BlogPress from my iPhone

الجمعة، 5 نوفمبر، 2010

ارض المعارض - معرض العطور

توني راده من معرض العطور و هالمعرض ما اطوفه ابد حتى لو عندي كل احتياجاتي
لو اروح ما اشتري شي
وهذي حصيلة المشتريات

عطر اليسا

مثبت الاي شادو من دييغو

بودره مصححه حق تصفيه البشره بعد الميك اب

فاونديشن حنان دشتي ثقيل شوي بس طبيعي حق الحفلات و المناسبات

الصور مقلوبه ما عرفت اعدله مع اني مصورتها عدل
واخيرا
خاتم اللي حييل عجبني

Posted using BlogPress from my iPhone

الثلاثاء، 2 نوفمبر، 2010

مينكس

اليوم رحت مع الوالده لجمعية القرين ٣
اللي فيها الغانم
واحنا صاعدين للمكتبه في كشك يبيع مكياج ماركة فلورما وغيره
قلت خل نشوف شنو عنده حصلت هالمينكس وطريقته سهله

هذي صورة المينكس الفضي والادوات

طريقة الاستعمال

الانواع

والسعر ٧٥٠ فلس
- Posted using BlogPress from my iPhone

الجمعة، 29 أكتوبر، 2010

الجو هالايام مو طبيعي

طلعت قبل كم يوم انا وعيالي وزوجي البحر
الجو كان خيال
طلعنا قبل المغرب شوي ووصلناوهذي الصور

قعدنا على البحر ولعبوا اليهال وتمشينا و تعشينا و ردينا الصراحه الجو كان يهبل و القعده كانت ترد الروح

الثلاثاء، 26 أكتوبر، 2010

اليوم البوست عن ماركة جناط لاحظت ان فيها غرابه شوي
الماركة اسمها ماري فرانسيس
عندي برنامج بالايفون اسمه style shop
تقدرينه من خلاله تشترين اخر ما نزل من الماركات عن طريق كذا موقع nordstom
Net a porterوغيره
هذي ايقونة البرنامج تقدرون تنزلون فور فري